439

Instruktion und gwalt unser regierung unser vordern
lande in Ober ElsaB zu Ensisheim volgt hernach :

Als der allerdnrchleuchtigist grosmechtigist fürst und herr Cari
der fünfft, Romischer kaiser unnd liispanisclier kunig etc. uns e r
herr und brueder, in der freuntlichen handlung und b r ii d e r lichen

verainigung, so wir miteinander jungst zu Briissel1 .und auf-

gericht uns zu gubernator aller oberôsterreichischen innern und vor-
dern lande fürgenommen, gesetzt und geordenet und allen gwalt
gegeben, dieselben oberôsterreichischen erblande der notdurft, auch
unserm willen und gevallen nach, zu régi r n und gubernirn und
wiewol wir begirig und genaigt weren, dieser zeit selbst in die obbe-
rürten unser vordern lande zu khom e n und darin guete pollicey
und ordnung zu machen, auch diese land und leut in aigner person
zu regirn und denselben vor zu sein und wir aber von got dem
almechtigen mit mer landen und leuten fiirsehen, auch als kaiser-
licher mayestat stathal ter im heiligen reiche mit vil und treffen-
lichen reichssachen und handln beladen und unser niederôsterreichi-
schen erblan d e durch unsre& heiligen christenlichen glaubens
hôchsten v e i n d t und achter, den türgken, nit wenig anfechtung
haben un d teglichs einfallens und überzugs gewartend sein, also
wir mit stetem wesen in disen oberôsterreichischen landen nit be-
leiben, sonder wie obangezaigt, in andern unsern und unser nider-
ôsterreichischen erbland und des reichs obligen und notdurft ver-
rügkhen muessen, und cleshalben der regirung in denselben unsern
vordern landen diser zeit selbst persôndlich, wie wir dann gern
theten, nit vor sein miigen. Damit aber in unserm abwesen dieselben
unser vordern lande an der regirung und an der fürsekung sonder-
lichen betreffend die justicia nit mangel haben, und in unserm ab-
wesen, nichtsdestminder frid und recht im land gehalten, und in
andern der regirung und lands notdurften nit mangel erscheine, auch
die underthanen, zu wem sy in iren nôten und obligen zueflucht
haben sollen, wissen tragen, so haben wir uns entslossen und mit
zeitigem rat wolbedechtlich von etlichen, erlichen, ansehlichen,
erfarnen, verstendigen personen ain regierung gesezt, fürgenomen
und geordent, benanntlich, die edlen, ersamen gelerten und unser
lieben getreuen Wilhalmen, herrn zu Rapoltzstein, zu unserm land-
vogt, Hansen Ymer von Gilgenberg, diser zeit stathalter, Martin

1. Hier fehlt ein Wort.